Garden vår

Matland Gård er lokalisert ved Ådlandsfjorden i den vakre bygda Holmefjord. Her har familien Matland budd i meir enn 400 år. Bonden sjølv Tore Johannes Matland,er 11. generasjon på garden og likar å syngja og fortelja frå gamle dagar.

 Her hjå oss er alle hjarteleg velkomne. Me set stor pris på å få besøk og har alltid tid til ein kopp kaffi gjerne med noko godt attåt baka av konemor Linda Cecilie. Som de skjønar så er ho glad i å laga mat og likar å arrangera selskap til kjente og kjære.

 Ta gjerne turen til Matland Gård. Her kan de få helsa på dyra våre, ta ein dukkert i Ådlandsfjorden, ha sangstund i Spelstova eller grilla i fjæra. Frå kaien vår kan du prøve fiskelukka og ynskjer de å overnatte har me rom til leige ved fjorden. 

Med god hjelp frå venner, familie og naboar restaurerte me våren 2023 Sjøbua vår. Resultatet er blitt eit unikt selskapslokale ved fjorden. Lokalet har eit historisk preg. Gamle båtar som har hatt si fartstid her på garden,er kome til sin rett og heist opp som pynt på veggene. I båtene ligg det også over 100 år gamle teiner og langs veggane heng det velbrukte nøter og fle frå gamal tid. Veggane er pynta med historiske gjenstandar og dei har alle hatt sin misjon på garden. 

Lokalet er 280 m2, har ei scene på ca 30 m2, ei avdeling med nostalgiske sittegrupper, ein lita kjøkkenavdeling og sitteplass til vel 140 gjester. 

24.06.2023 

hadde me bryllaupsfest i Sjøbua

Linda Cecilie & Tore Johannes